【超強颱風山竹】打風儲定糧 朱千雪準備食呢啲……

圖︰朱千雪話,自己已經買定乾糧迎戰超強颱風。(網上截圖、ig圖片)

2012年港姐季軍朱千雪(Tracy),今日(14日)出席中秋節活動,當被問及中秋節嘅安排時,Tracy就話︰「因為爸爸媽媽唔喺香港,喺香港最親嘅就係姨丈姨媽,所以每年都會一齊食飯。」至於男友Justin會唔會嚟香港?Tracy就話,原來Justin本身會喺今個星期飛返嚟,但因為超強颱風山竹逼近,航空公司一早通知要取消。

咁Tracy自己有咩措施迎接呢個超強颱風?佢就話已經儲定糧,但佢準備嘅竟然唔係杯麵,而係呢一啲乾糧呀!

買定餅乾、麵包同朱古力

Tracy話︰「為咗呢個颱風,我已經儲定嘢食,餅乾、麵包同朱古力,唔知打幾耐,怕喺屋企會悶,咁多年都未試過買膠紙,今次都買咗。」食呢啲會唔會怕肥呀?Tracy就話,「又唔會打一、兩個禮拜,都係一兩日。」

提到好多港姐師妹都陸續結婚,咁幾時輪到Tracy呢?佢就話:「唔急,唔係人哋結我就要結,大家都忙,要就時間,度吓期先,我哋冇乜點傾。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟