【都係Po泳衣相…】網民反應完全唔同! 大讚馮盈盈vs負評黃心穎

圖︰(左起)黃心穎、馮盈盈都係港姐三甲,最近二人都有在ig分享泳衣相,卻得到網民截然不同的評語。(網上截圖)

2012年港姐亞軍黃心穎,同埋2016年港姐冠軍馮盈盈,大家都係港姐三甲得獎者;要以泳裝示人,當然冇難度啦!不過最近黃心穎同馮盈盈都喺自己ig分享泳衣相,但得到嘅網民評語就完全唔同喇!

黃心穎先show背面相 馮盈盈大方Po正面

話說放緊假嘅黃心穎,去咗享受陽光與海灘;佢日前(8日)先在ig分享一張泳衣背面照,除咗繼續有工藤佑采粉絲嘅攻擊,亦有唔少人留言話想睇正面相;連「豹嫂」胡蓓蔚都嗌埋一份話:「正面呀!」到當晚,黃心穎「順應民意」,Po咗一張正面泳衣相,但留言中,都係以負評佔多數。

至於昨日(9日)馮盈盈Po嘅泳衣相就大方得多!雖然已經係幾個月前佢去泰國玩嘅舊相,但依然受到網民熱烈正評,唔少網民仲攞佢同黃心穎比較,留言話︰「完勝黃小姐」、「盈盈完美!」、「好多like」等;仲有網民重提黃心穎的負面新聞,叫馮盈盈做「#後生仔傾吓偈」嘅題材。

而最近忙於拍劇嘅馮盈盈就在留言透露,自己真係好想放假。原來佢因為拍《解決師》,由下畫4點開工開到凌晨4點!唔怪得佢喺hashtag寫到︰「#holiday我真係好愛你」、「#butworkbeforeplay」、「#whenismyholidayagain」啦!

圖︰二人都有影海灘相。(ig圖片)
圖︰馮盈盈(圖上)同黃心穎(圖下)都有在ig分享過泳裝相。(ig圖片)
圖︰最後又星期日都好勤力做gym嘅馮盈盈勝出!(ig圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟