【有潛規則？】落選港姐翟秋平再選亞姐 FB發文宣布「被退出」

由

2018-09-06 17:26

圖︰翟秋平選完港姐、選亞姐，點知昨日(5日)於facebook公佈自己「被退出」的消息。（fb圖片）

2018亞洲小姐香港賽區競選，候選佳麗今日(6日)會首次見傳媒。不過，其中一位上完兩個星期特訓卻「被退出」嘅佳麗，昨日(5日)就慘到要喺facebook出Po自我安慰！講緊嘅就係前排先參選完港姐，但入唔到決賽嘅翟秋平；佢仲喺帖文表示，自己係「被退出」㗎，仲話︰「看清了這家機構(亞洲電視)、這個『競選』的面目和『潛規則』。」

保母通知「被退出」有感不被尊重

翟秋平接受媒體訪問表示，「被退出」前一日收到保母通知，同我哋講有評核，所以要見高層；點知見完高層當晚9點幾，就收到保母電話，話收到公司通知，佢要退出亞姐比賽。翟秋平講到喊，又話︰「保母都同我講︰『諗咗好耐打唔打畀你，因為你係最乖、最準時、最守規矩嗰個。』」並指「被退出」一事「係高層決定，我(保母)都係奉命行事」，並無交代點解要佢退選。

由於「被退出」一事，係由保母代為傳話，事前事後都冇亞視高層當面解釋點解要佢退出，令翟秋平有感不被尊重。佢受訪時更指︰「其實當日(被退選當日)我全日都喺公司特訓，咁多位高層，搵一個同我傾5分鐘都得啩？點解連基本尊重都唔俾參賽者，而係搵一位保母，其實即係一個姐姐嚟同我講？真係令我好失望同唔開心！」

翟秋平覺得不被尊重，據知評核會面高層當中包括前無綫高層何麗全，但最後通知佢「被退出」嘅只係保母，佢話﹕「其實當日我全日都係公司特訓，咁多位高層，搵一個同我傾五分鐘都得啩，點解連基本尊重都唔俾參賽者，而係搵一位保母，其實即係一個姐姐嚟同我講，真係令我好失望同唔開心！」