【皓鑭傳】4月已煞科!《延禧攻略》班底邊個冇份演新劇?

圖︰近日傳出《延禧攻略》將會原班人馬拍新劇《皓鑭傳》的消息,但其實呢一套劇早於今年4月煞科!(網上截圖)

近日傳出《延禧攻略》將會原班人馬拍新劇《皓鑭傳》的消息,但其實呢一套劇早於今年4月煞科!當中,唔少有份參與《延禧攻略》的演員,都會於《皓鑭傳》出現;而因《延禧攻略》爆紅的吳謹言,會與飾演乾隆的聶遠「再續前緣」,於《皓鑭傳》再以「情侶檔」主演劇集。

戰國秦趙爭鋒時代背景  吳謹言造型更順眼?

《皓鑭傳》一劇以戰國秦趙爭鋒時代為背景,由吳謹言飾演女主角李皓鑭;吳謹言在《延禧攻略》的瓔珞造型曾被狠批,但《皓鑭傳》的造型比前劇更順眼!因李皓鑭是趙國御史之女,一頭長髮披肩,穿上白色裙,令吳謹言嘅造型多返一份仙氣。

雖然李皓鑭造型仙氣十足,但呢個角色絕對唔係柔弱女子!劇中,李皓鑭不甘「被恰」,仲會强硬反擊,同魏璎珞一樣「不好惹」;面對黑暗勢力爭鬥會繼續「以牙還牙」,相信觀眾將會睇得一樣痛快。

聶遠演商人呂不韋 造型有大俠Feel

至於原本於《延禧攻略》演皇上嘅聶遠,今次會做返「凡人」;佢喺《皓鑭傳》飾演野心勃勃嘅商人呂不韋,仲將「被賣身」嘅李皓鑭買入,打算用計謀,將皓鑭獻畀當時於趙國皇宮做人質嘅秦王後人孫異人(茅子俊 飾)。而聶遠在劇中「卸下龍袍」,身穿灰色長袍,呢個造型都幾有大俠Feel㗎!

另外,在《延禧攻略》飾演高貴妃嘅譚卓亦有份參演《皓鑭傳》。譚卓於新劇中飾演華陽夫人,係秦孝文王最寵幸嘅王后。今次譚卓唔再需要咁火爆,角色唔再乞人憎,唔知又可唔可以為佢「洗底」呢?講咗咁耐,究竟邊個《延禧攻略》要角冇份演《皓鑭傳》?原來係「皇后」秦嵐同「嫻妃」佘詩曼呀!

【新劇造型逐個睇!】

圖︰吳謹言於《皓鑭傳》飾演女主角李皓鑭,即史上秦始皇嘅媽媽。(微博圖片)
圖︰聶遠於劇中飾演商人呂不韋,同吳謹言「再續前緣」。(微博圖片)
圖︰譚卓今次唔洗演奸角,佢喺《皓鑭傳》飾演華陽夫人,係秦孝文王最寵幸嘅王后。(微博圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟