23歲嘅Judas(羅凱鈴)，於大埔busking時被網民攝下演出片段分享，而瞬間於網上爆紅！Judas今日(31日)仲喺ig貼出她與翁瑋盈(Janet)和黃艾倫(Alan)的合照，宣布佢首張專輯，「錄音進度差唔多去到尾聲啦！」並於帖文感謝今次所有合作嘅監製同伙伴；而消息一出，網民都紛紛話要買碟支持！
治愈系歌手 出碟都唔改棄basking
今年3月，Judas宣布自己於17年底已簽約經理人公司；而近月，見Judas都參與大大小小的不同演出，仲去埋澳門、上海等地演唱，更即將推出人生中第一張CD！不過對於busking，Judas就不只一次表示唔會改棄，「好多朋友都問我簽咗公司之後會唔會唔再busking，呢個肯定係不會嘅！因為公司畀咗好多自自由度我，我鍾意做咩就做咩，或者佢哋接咩(工作)返嚟，我唔鍾意都可以唔做，好多事都係取決於我自己嘅！」
而早前Judas亦有公開演唱由佢自己作曲、YouTuber薑檸樂填詞嘅《為你寫故事》。Judas話，由於自己basking時鍾意翻唱8、90年代嘅歌曲，所以呢首歌都係重現返當年流行嘅曲風。知道Judas可以推出自己嘅CD，有歌迷留言話︰「由busking走進商演，由香港唱到海外，由說唱會到出CD，看著你每次的躍進，証明你是《你本身的傳奇》！」又有樂迷話︰「好耐冇買碟。你的，一定支持！」，更有人話︰「有十年沒有買CD了，終於有買碟收藏的理由！」
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
