【兩段婚姻】李道洪談前妻梁小玲 「佢認為男人做演員冇出息」

圖︰李道洪經歷過兩段婚姻,與梁小玲(右上)的一段婚姻,只維持4年;至99年與年輕21年的上海姑娘結婚,育有兩子。(網上截圖)

「佢認為一個男人做演員係冇出息。」李道洪接受媒體訪問時透露,呢個係佢同前妻梁小玲離婚嘅原因之一。李道洪經歷過兩段婚姻,第一任太太係梁小玲,他們於74年結婚、78年離婚。李道洪憶述,「陳年往事啦喎,40幾年前往事。我哋係好早期一段婚姻,可以話誤會而結合,了解而分手。」

麗的訓練班入行 梁小玲多演情婦、二奶角色

梁小玲和李道洪一樣,都係參加麗的訓練班入行,梁小玲係師姐,演情婦、二奶角色最「入型入格」;但李道洪指,梁小玲其實「好厭惡影視工作」。他續指︰「冇人知㗎,佢一路喺電視做咗好多年,但其實佢係一個好純樸嘅人,佢唔慣影視圈嘅虛偽圓滑,我哋影視圈鍾意『埋堆』,佢又唔『埋堆』,佢係一個好獨立個體,唔鍾意太多應酬。」

而李道洪反而喜歡這個模式,例如︰會同周潤發收工一齊去宵夜,梁小玲會認為佢收工唔即刻返屋企唔啱,會怪責李道洪︰「做乜你11點收工,1點先返嚟?」另外,梁小玲又覺得「男人做演員係冇出息」。李道洪指︰「我讀書係讀理料,跟住去台灣讀土木工程,佢認為我應該做工程師,但香港環境好特殊,你台灣讀書,香港係攞唔到牌做工程師,我認為冇出息,我認為電視條路啱行,但佢認為條路唔啱行。」

為咗工作,李道洪同梁小玲婚後拗足4年,李道洪話︰「拗到我喺台灣大賣座紅咗,佢都唔接受呢件事,唔接受冇辦法啦,已經變咗一個事業與家庭嘅抉擇。」99年尾,李道洪與年輕21歲的上海姑娘結婚,與現任太太結婚18年,有兩個囝,他自言太太支持佢做演藝事業,但面對年紀漸長,李道洪都希望有家庭,「所以由我大仔出世之後,就減少工作量。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟