【玩呢啲?】卓韻芝Bridal Shower被整蠱 以為摸緊舞男事實係……

圖︰阿芝一向破格又玩得,日前朋友為她辦Bridal Shower亦不忙送上「大整蠱」。(ig圖片)

才女卓韻芝(阿芝)即將於9月15日結婚,一班好友前晚(25日晚)為她舉辦Bridal Shower(婚前單身派對),好友余迪偉、《玩爆你個腎》嘅Kevin Boy(KB)等人亦有出席。有「整蠱專家」KB在場,又點少得玩吓準新娘呢?阿芝昨日(26日)於ig留言指,「昨晚Bridal shower變成玩爆你個腎,感謝你們精心安排的大整蠱,超級痴線,遲點有片,感謝每一朋友。」而KB就留言指:「好玩呀呢,你啲朋友癲㗎,我都替你正日擔心。」

KB為整蠱阿芝「犧牲」 被狂摸pat pat

而KB其後接受媒體訪問表示,「我哋安排咗一女仔扮『菠蘿雞』,過嚟黐飲黐食,跟住我哋安排咗個脫衣舞男,阿芝見到以為有正嘢益佢,咁個舞男又開始除衫,友人矇咗阿芝對眼畀佢摸,呢個時候,我就換咗個舞男,阿芝係咁摸個pat就係我嘅,後來阿芝開咗眼罩,知係我,猛話要『洗手』!」

從阿芝上載的照片,感受到佢嘅Bridal Shower有幾瘋狂,包括︰有余迪偉為佢上頭、影相嘅道具走狂野路線等,而阿芝亦趁齊人一併送上囍帖,相信大家都盡興而回!

圖︰阿芝趁齊人一併派帖。(ig圖片)
圖︰余迪偉扮為阿芝「上頭」。(ig圖片)
圖︰阿芝早前亦公開姊妹團聚會的相片,鄭秀文(Sammi)、蔡卓妍(阿Sa)、梁詠琪(Gigi)同周勵淇(前名周麗淇)等名人,都係姊妹團嘅成員!(ig圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟