【金盆?口】黃子華最後一場棟篤笑 鞠躬致謝哭別舞台!

圖︰黃子華一連26場《金盆?口》棟篤笑演出於紅館落幕。(fb圖片)

黃子華一連26場《金盆?口》棟篤笑演出,昨晚(31日晚)於紅館落幕;晚上約10:45,子華在觀眾掌聲中,先後向四面觀眾鞠躬致謝,其後更忍不住落淚,在場面感人下哭別舞台。

新恤衫爆鈕 子華除衫嗌回水

尾場觀眾反應特別熱烈,當講到馬雲打贏李連杰「面斥不雅」嗰段,唔少觀眾都把握機會嗌子華除衫、除褲。而子華亦決定「豁出去」,又解煲呔、又解開頭兩粒鈕問觀眾:「咁會唔會好啲呀。」觀眾當然拍晒手啦!子華又揭開半件外套,俾觀眾睇一睇個牌子話:「呢件嘢真係面斥不雅。」

尾段有Fans送咗一隻粉紅色傻豹公仔俾子華,子華以一貫幽默作風回應:「多謝你,雖然個樣有啲不祥,掛喺門口冇賊入嚟。」講完呢句之後,子華恤衫突然爆鈕,佢即刻話:「呢次真係回水喇,我第一次著㗎咋!」

「回水杯」有瑕疵 Fans照買唔介意

雖然子華7月28日在facebook告知「回水杯」有瑕疵,但Fans無介意,仲喺帖文留言︰「講真,我個杯買來系(係)助養黃子華,有冇瑕疵真系冇所謂囉」,不少Fans留言和應,有網民更留言︰「從來未見過件產品有問題都收貨嘅香港人,黃子華,你真是神!」

而Fans果真用行動證明,到尾場開show前,場外「回水杯」已告售罄!

圖︰子華話「回水杯」有瑕疵,但Fans無介意,仲在尾場開show前掃晒所有貨品。(fb圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟