喺剛剛大結局嘅tvN人氣韓劇《金秘書為何那樣》(下稱《金秘書》)入面，副會長、金秘書曾經試過秘密拍拖；原來現實生活中，「雙朴」29歲男星朴敘俊同32歲女星朴敏英，都被傳秘密拍拖3年呀！
刻意保密戀情 朋友都唔知情
據報道，「雙朴」二人早於拍攝《金秘書》前已開始拍拖，有知情人士爆料，話佢哋呢3年好努力維持感情，而且刻意保密戀情，連身邊好多朋友都唔知情，仲話佢哋拍拖時，秘密到好似007占士邦執行任務咁！
雖然戀情保密，但無阻網民發揮強大嘅「起底」能力！有網民於ig搜尋「雙朴」嘅相愛證據，發現二人於2016年9月都去過加州、2016年12月都有嚟過香港；2017年3月仲同時喺日本去旅行。又有網民搵到疑似情侶飾物，仲有網民勁到喺ig影片中發現朴敘俊屋企，有朴敏英都有嘅同款波鞋！
由於始終都搵唔到二人拍拖時「斷正」的相片，爆出戀情後，朴敘俊一個鐘後已經透過事務所作出否認；而朴敏英就強調自己同朴敘俊只係好close嘅「前後輩」及同事關係。
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
