【出寫真撞衫】淘寶選中相同泳衣 40歲楊思琦vs26歲張沛樂

圖︰張沛樂(沙律)同楊思琦今年都會出寫真集,不過竟然撞泳衣呀!(網上截圖)

網絡女神26歲張沛樂(沙律)今年孖住趙詠瑤(Kimi)出寫真遊記,而2001年港姐冠軍、40歲楊思琦今年亦加入「寫真戰」,食穿泳衣影靚相。最近寫真照片流出,竟然發現二人撞泳衣!沙律對於撞泳衣表示唔介意,仲大爆泳衣係由Kimi幫手喺淘寶訂返嚟㗎!

沙律︰一眼就認出係同一件

沙律接受媒體訪問時表示,Kimi於淘寶訂咗兩件泳衣,點知有鋼線嗰件佢著唔到,但白色嗰件就好fit,所以就揀咗呢件白色喱士通花一件頭泳衣喇!沙律仲話︰「見思琦寫真報道,我一眼就認出係同一件(泳衣),但好難比較,唔少朋友都話要揀都揀思琦啦,我都覺得佢嗰張影得靚啲。」

其實呢件泳衣只係佢哋寫真集入面其中一個Look,楊思琦喺名為《Miss Szeki 2018》的寫真入面,會換20套靚衫出鏡,仲話係買美感而唔係性感。至於沙律同Kimi,就出寫真遊記《閨蜜遊記 台灣篇》,造型包括睡衣、內衣、民族服裝,仲Cosplay埋IQ博士嘅小雲?!

而最大膽,當然係沙律、Kimi全裸自拍溫泉相,Kimi話,「其實全裸拎住部相機走嚟走去都有啲尷尬,但慣咗都幾開玩同開心。女仔之間冇乜所謂,最重要唔好有走光相,有都刪咗。」

圖︰沙律、Kimi去私人風呂全裸自拍溫泉相。(網上截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟