薛家燕榮升奶奶 仔仔接新娘玩到癲

圖片:上個月準新抱Zoe同兒子Jackson先同完家燕姐慶祝完母親節,今個月就要正式做人奶奶啦!(IG圖片)

薛家燕口中「全球華人都知道」的開心事,她二仔石耀庭(Jackson)今日結婚啦,真係恭喜晒呀!

家燕姐笑到四萬咁口

圖片:一身喜慶裝扮嘅家燕姐邀請大姐夫為兒子梳頭。(IG圖片)

今早(11日)Jackson的家姐石佑珊喺ig上載了一條上頭片段,應該是昨晚錄影的,見Jackson着住紅色睡衣坐在鏡頭前,榮升奶奶的家燕姐亦一身紅色喜慶裙現身,見她笑到四萬似的說﹕「現在開始同囝囝石耀霆上頭,好多謝大姐夫Patrick幫手上頭。」大姐夫寄語耀霆「大個仔嘞」!跟住還講了段好意頭的話﹕「一梳梳到尾,二梳白發齊眉,三梳兒孫滿地,四梳四條銀筍盡標齊。」家燕姐似乎比兒子更開心,露出慈母般笑容,拍手掌都特別大聲。

新郎瘋狂玩遊戲

而石耀庭太太Zoe的姊妹團,今早亦係ig直擊接新娘的過程,片中見到新郎石耀庭同一班兄弟頭戴花飾扮「格格」,大玩嘴巴擴大器、行石春路、掌上壓等,新郎哥仲跪地向新娘子送上花球,場面熱鬧瘋狂!當然,最後石耀庭還是能成功接到新娘,今晚會在洲際擺酒。

圖片:兄弟們被姊妹團要求做掌上壓及假扮格格。(IG圖片)
圖片:新郎跪地向太太送花,表示以後會聽晒老婆話。(IG圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟