【愛的宣言】與田蕊妮結婚13周年 杜汶澤︰感謝妳多年來的將就

圖︰杜汶澤同太太田蕊妮結婚13周年,阿澤於上載阿田的照片留言寫下愛的宣言!(fb、網上圖片)

杜汶澤與太太田蕊妮相愛多年,共渡人生的高低起伏。今日(7日)係二人結婚13周年,亦係田蕊妮46歲生日前夕,阿澤於網上貼圖及發文,向太太表達「愛的宣言」!

「婚姻,就是將錯就錯」

阿澤於帖文寫到︰「今天是我們的結婚週年紀念…….曾經有人跟我說,婚姻,就是將錯就錯。感謝妳這十三年來的將就,祝妳健康、快樂!」並貼上太太跨步向前的照片,藝術感十足。唔少網友都讚好同留言,為呢對恩愛夫妻送上祝福;連主角田蕊妮都有現身讚好!有網民問阿澤,係咪專登揀田蕊妮生日前一日結婚?佢就回應一句:「易記!」

阿澤同阿田多年來經歷咗唔少難忘事,遇過感情危機、阿澤又患過罕見疾病「米勒費雪症候群」而要停工,田蕊妮曾經讚老公係佢「心目中的巨人」!阿澤就形容同阿田係「威士忌愛情」(越嗒越有味),更曾經話︰「以前誤會以為成功就會得到女人,但原來得到一個好的女人就等如成功!」

二人經歷咁多風浪都依然堅持行落去,相信網民都好樂意睇到你哋不時甜蜜放閃嘅!

圖︰阿澤同阿田不時在網上分享生活照,甜蜜放閃!(網上圖片)
圖︰老公發「愛的宣言」,太太阿田當然要讚好啦!(fb截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟