
62歲的米雪同妹妹雪梨感情一向要好,愛屋及烏,佢對雪梨嘅一對子女都疼錫有加!日前姨甥女徐穎堃(Erica)31歲生日,米雪昨日(6日)就約咗雪梨同Erica食飯慶祝,佢仲將相片貼埋喺微博同大家分享,並留言:「Erica,Happy Birthday!身體健康,生活愉快,工作順利!」。
三個女人一個墟
相中米雪姐姐紥住孖辮,仙氣十足,完全睇唔出米雪姐姐年齡係Erica嘅一倍。正所謂「三個女人一個墟」,米雪、雪梨同Erica呢餐生日飯,當然有講唔完嘅話題啦!唔知講到乜呢?佢哋仲即時興起,同Erica哥哥徐偉棟玩埋視像電話,一齊傾偈!相信呢餐飯一定相當開心同難忘。

