【開估喇！】宣佈湊夠「好」字 李蘊︰話唔定10年後再生B

李蘊昨日(6日)於ig上載超聲波像片，並留言：「小胖子/小胖妹？」叫網友猜猜佢今胎係仔定囡；李蘊之後貼出另一相片「開估」指：「大部分人都猜中了，是弟弟呢！感恩！」

26歲李蘊2016年與內地金融才俊羅章冠結婚，同年5月誕下囡囡紫晞；今年3月她在社交網貼相宣佈再度懷孕，預產期為8月底。

目標達成 可專心湊仔女

李蘊透露，初時以為今胎也是女兒，但其實仔女也沒所謂，現在湊成「好」字最好！之後沒有壓力，可專心湊兩個小朋友。被問到會否再追？她說兩個足夠，之後又謂自己仲後生，或者過多幾年或10年後再生都唔定。

李蘊日前拍攝大肚靚相，囡囡也一同出鏡，畫面溫馨。李蘊話，本身都擔心囡囡會不肯配合影相，點知囡囡非常配合，最後囡囡影嘅相仲多過自己添！