
木村拓哉與工藤靜香的細女木村光希,以Kōki之名出道做Model,引來高度關注!同時亦令大女木村心美的發展成為焦點!
培育大女做音樂家
17歲嘅木村心美,係妹妹Kōki口中嘅天才!有報道指,木村拓哉因自己只讀到高中畢業而遺憾,所以特別注重兩位女兒嘅教育;Kōki同心美細細個就接受英法語教育,又學習多種樂器。
而Kōki亦大讚家姐心美天資聰穎,仲好有音樂天份!原來心美曾經獲山野青少年長笛比賽最優秀獎,而Kōki則攞到優秀獎!2017年更有報道話,木村決定安排心美到法國留學,主修音樂,希望培育大女成為音樂家!
由於日本媒體注重私隱,即使過往影到木村拓哉同工藤靜香嘅兩個女,都會幫佢哋打格遮臉,所以到而家,心美嘅靚樣依然係一個謎!有見過兩位千金嘅圈中人就話,心美都擁有「八頭身」嘅model外形,同妹妹一樣盡得父母真傳!