
鍾欣潼(阿嬌)同未婚夫賴弘國(Michael)拍拖未夠一年就認定對方為終身伴侶,雖然兩人低調籌備婚禮事宜,但最終亦被媒體披露二人定於美國時間「5.25」完婚。不過據報道,鍾欣潼與賴弘國屬意9月喺香港擺酒時再正式註冊,因此呢個婚禮只是一個儀式。

據悉,阿嬌母親、妹妹、表姊亦已相繼抵達洛杉磯,阿嬌聯同好姊妹阿Sa(蔡卓妍)日前完成Twins巡演後也已飛抵當地。另有媒體爆出,婚禮將於當地25日中午喺洛杉磯一間有近百年歷史嘅五星級酒店「Millennium Biltmore Hotel Los Angeles」舉行,並於晚上喺酒店內舉行西式晚宴。

選定低V婚紗
此外,好姊妹阿Sa和容祖兒之前許諾為阿嬌婚禮贊助婚紗,據知,阿嬌最終選定咗一款低V設計嘅性感婚紗,應該會喺婚禮上耀眼奪目。

