《宮心計2深宮計》日前未能喺內地同步播出引來唔少網民不滿，至於未能播出嘅原因，有說係因廣電局嚴打宮廷鬥爭戲，《深宮計》因此中箭。另一說係因劇中女主角胡定欣。事緣，早前有人喺內地某論壇貼出胡定欣當年支持佔中嘅Instagram post，結果引來大批網民說要封殺佢！
由馬浚偉、劉心悠、胡定欣、馬國明等人主演嘅無綫新劇《深宮計》斥資逾億人民幣拍攝，屬中港合拍劇。無綫節目及製作副總經理杜之克日前出席劇集宣傳時，被問及騰訊突然抽起唔播一事，無奈表示：「審批程序比預期用多咗少少時間，但實際情況要問騰訊。」另有內地媒體指，宮鬥劇題材唔係習近平鼓勵嘅類型，再加上內地政策成日變，不止一部宮鬥劇播映無期。
而有網民指「禁播」竟然關劇中嘅女主角胡定欣事。事緣，上個月有人喺內地某論壇貼出胡定欣當年支持佔中嘅Instagram post，引來大批網民炮轟胡，亦有香港網民喺討論區指出，今次《深宮計》被內地禁播，有可能就係因為胡定欣被人舉報了。
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
