袁偉豪張寶兒真人騷定情  緣分早注定

袁偉豪、張寶兒(Instagram圖)

TVB小生袁偉豪(Benjamin)2016年年尾宣佈與2012年度港姐的最上鏡小姐前女友岑杏賢分手。相隔未夠一年,去年8月,他就宣佈與2016年港姐的友誼小姐張寶兒(Bowie)拍拖,當時袁偉豪就被貼上「港姐殺手」的標籤。據悉,Bowie去年因參與阿Ben和楊明主持的旅遊節目《打工捱世界II》,與阿Ben撻著,結下緣份。而在這之前,Bowie參選港姐時,阿Ben就是評審之一,二人曾在一個環節當中互動,阿Ben就對Bowie相當欣賞。

Bowie與Benjamin拍攝《打工捱世界II》傳緋聞。(張寶兒Instagram)

Bowie和阿Ben為拍攝《打工捱世界II》,在非洲日對夜對,因此產生情愫,而都一直參與節目楊明就做了電燈膽。

Bowie曾獲2016年香港小姐的友誼小姐。(張寶兒Instagram)

Bowie家擁禮頓山7物業

於英國倫敦大學畢業的Bowie,入娛樂圈係機緣巧合報選港姐而入行。Bowie身在富裕家庭,家住禮頓山。有傳其家人在禮頓山至少有七個單位,跟鄭少秋和陳茂波等名人住同一個屋苑。Bowie曾透露間唔時都會同秋官碰巧一齊跑步。照返現時個放盤價,一個禮頓山最細嘅九百呎單位都要三千萬,如果傳聞屬實,Bowie屋企已經係兩億家族。

張寶兒(Instagram)

Bowie唔怕男友窮

至於擇偶嘅話,Bowie曾話並唔介意對方是低薪族,「我覺得喺價值觀上可以溝通到係最重要,我個人係比較重視心靈人多過物質嘅。不過我都希望大家可以一齊進步,無論係自己修為同工作嘅熱誠等等各方面嘅嘢。其實要搵一個心靈上同你溝通到嘅人已經好難,呢個係先決條件,其他有就有,無就諗嚟都無用喇。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟