被患癌歌迷所感動 張敬軒開Live籲粉絲為對方祈禱

有留意歌手張敬軒的社交網的話,不時都會發現他的發文留言都相當搞笑抵死,又常常會自嘲,以藝人的社交網來說算是特別的一個,不過軒仔除了充滿搞笑細胞外,其實內在的他仍是個感性的人。

軒仔於擔任陳柏宇紅館個唱嘉賓後,回到家中便開直播,為歌迷唱歌之餘,也感性般分享自己的內心想法,其中講到一個人的時候他更感觸得有點眼濕濕:「有啲嘢想同大家分享吓,其實我最近有個朋友仔成日都會見,佢身體唔太好,佢係因為Cancer要截肢,之後接受化療,佢係我一個歌迷,我有同佢見面,亦有同佢唱吓歌練吓歌。」

張敬軒開live變感性(影片截圖)

籲歌迷為患癌歌迷祈禱

軒仔透露最近與對方的相處,對他來說是相當震撼:「通過同呢個男仔相處,我覺得喺佢身上睇到生命當中有好多比post一個instagram或者上社交網站更重要嘅事要去做。佢嚟過我錄音室兩次,我同佢錄吓歌唱吓歌,係好震撼嘅對我嚟講,佢對音樂嘅熱誠。佢媽咪同我講話佢全身都好痛,但佢一去到錄音室一開咪,一畀佢唱歌或者佢一見到我,我同佢一齊做音樂、唱歌,我哋不斷問佢『你有冇唔舒服?有冇痛?』,佢都話『冇呀』。對於我喺呢個行業做咗咁耐嘅人,有時音樂已經係一份工作,但係對於佢佢嚟講係嗎啡,係佢嘅止痛劑,當佢辛苦唔舒服嘅時候,只有唱歌可以幫到佢!」最後他透露該男孩近日情況不太穩定,更希望收看的4千多名觀眾,不論什麼宗教都好,用其信仰方式為該位歌迷祈禱。

張敬軒指與患癌歌迷的相處令他感到震撼(影片截圖)
張敬軒希望粉絲為患癌歌迷祈禱(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟