鄭裕玲（Do姐）主持的旅遊節目《Do姐再Shopping》，繼續帶領住農夫及黃翠如遊日本，昨日（11月30號）一集講到他們前往一間賣黑膠唱片的店舖，當中更發現原來店舖都有香港的黑膠唱片！
「張露」變「春張露」
期間陸永指住一隻寫住「有了愛人四季春張露」的黑膠碟問：「邊個係春張露？」鄭裕玲就回答：「呢個係張露姐姐，你識唔識得一個演員同歌手叫杜德偉呀？呢個就係佢媽咪。人哋唔係姓『春』，人哋叫『張露』！」原來陸永將唱片名字與張露的名字拼在一起，誤以為隻唱片叫「有了愛人四季」，而個歌手叫「春張露」，陸永都不禁為自己「辯護」說：「以前冇標點符號你唔怪得我喎，好容易睇到係『春張露』㗎喎！」至於C君則同陸永講：「你呢啲喺現代生活嘅人唔識㗎喇！」好抵死般趁機寸Do姐老，Do姐即刻反問：「你咩意思呀？道歉！」不過C君就並非對住Do姐道歉，而是對住隻黑膠碟說：「對唔住呀春張露。」
C君跳「鈣質舞」
之後他們站在一旁聽黑膠碟，Do姐更不禁隨旋律擺動，農夫及黃翠如也跟着擺動，不過眾人的「舞蹈」有點意義不明，C君都忍唔住問：「咩意思呀Do姐？」當Do姐表示是律動時，C君再次唔怕死說：「我唔跳呢啲，我跳你嗰啲好有鈣質嗰啲。」仲即場表演「鈣質舞」，連Do姐都跟住跳埋一份，相當搞笑！
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
