【Do姐再shopping】刪剪片段公開 眾人試食競投蜜瓜勁爆笑

昨晚(29號)播出的旅遊節目《Do姐再shopping》,講到鄭裕玲(Do姐)帶住農夫同黃翠如去市場競投蜜瓜,當時陸永就用8,000日圓投到「特秀」蜜瓜,點知就被Do姐嫌買貴咗,誰知原來蜜瓜事件仲有後續!

無綫其後在官方Facebook上傳一段未曝光片段,片中講述他們坐定定試食競投回來的蜜瓜,陸永起初講到自己在外面見到蜜瓜賣萬幾日圓一個,而他用8,000日圓就買到兩個,不過Do姐仍然覺得買得太貴,仲話陸永敗家,兼且問陸永為何要出到8,000日圓,搞到陸永都忍不住反駁說:「你係都要我嗌完8,000,有人嗌9,000,我再嗌10,000買到,你就覺得抵呀!依家8,000買到你唔開心。」不過最後Do姐一句話要罰陸永,陸永都冇得再還擊。

鄭裕玲係咁嫌陸永個蜜瓜買得貴(影片截圖)
陸永忍唔住為自己平反(影片截圖)

陸永C君連環放笑料

爭論過後,眾人終於可以品嘗蜜瓜的美味,期間Do姐講到附近的富良野亦有蜜瓜,豈料她講完「富良野」後,陸永則一臉「認真」般講了句「我唔食涼嘢㗎!」KO Do姐,仲搞到C君同黃翠如笑唔停,Do姐都忍不住作狀打了陸永一下,而C君也搭嘴表示:「佢怕涼呀!」Do姐就反擊說:「怕涼就唔好食呢個啦!」她還表示之後會體罰陸永,誰知就輪到C君搞笑問道:「你體罰唔係諗住錫佢嘛?」搞到成班笑到拍晒枱兼講唔到嘢,陸永更笑到連蜜瓜汁都流晒出嚟,C君最後再補多句:「呢個罰你慘呀!」一班網民紛紛覺得未曝光片段比節目上播出的片段更加好笑,仲話眾人食個蜜瓜都可以咁搞笑,畀佢哋搞到流晒眼淚!

鄭裕玲講「富良野」,陸永一句「我唔食涼嘢」搞到成班笑唔停(影片截圖)
之後C君一句問Do姐「你體罰唔係諗住錫佢嘛?」令眾人笑到崩潰(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟