邀MJ家族成員破天荒合作 杜德偉感嘆似同偶像MJ合唱

歌手杜德偉(Alex)今日(28號)推出新歌《妳在我的愛情裡》MV ,今次MV對Alex來說可謂極具意義,除了請來有份合唱的Michael Jackson家族成員、美國唱作小天王B.Howard演出外,更破了Alex事業生涯上的兩大紀錄-最長拍攝時間及最多換裝次數!

捱眼瞓拍足25個鐘

今次Alex遠赴韓國取景拍攝,由當地攝製團隊操刀,為了追趕進度更連續拍了25小時,他坦言是以往眾多MV中拍攝時間最長的一個:「我發現每次同韓國導演合作,拍嘅時間都特別長。仲記得拍到最後一個鏡頭,係我哋喺架開屏車上睇夜景,當時大家都超攰,但韓國團隊好專業,其中一個製片後生仔,好努力咁用身體語言帶動我哋車上演員嘅情緒,令我哋即刻精神返晒。」

杜德偉話今次MV係咁多MV之中拍攝時間最長

出動私伙靚衫拍攝

雖然他要捱眼瞓拍攝,但MV卻成為其個人 Fashion Show,短短在4分鐘的 MV 裡,已換超過10套私伙靚衫:「因為我好鍾意時裝,所以由出道到依家開始,對自己造型已經好有睇法,記得第一張唱片《只想留下》個封面,由背心去到皮褸、牛仔褲都係自己襯,每張唱片都想參與,咁先保持到自己百分百風格。」他又透露今次歌曲講述經長時間沉澱下來的愛情,與自己人生階段吻合,故今次換上多套服裝,以代表經歷一段長的時間。

杜德偉出動多套私伙靚衫拍攝

似同MJ合唱

Alex向來是已故巨星 Michael Jackson (MJ)的頭號粉絲,今次更難得請到MJ 家族成員B.Howard 破天荒合作!原來早在2009年MJ 過世時,Alex 為偶像在港舉行追思會時透過黑人朋友介紹下結識到 MJ 家族成員:「當年B.Howard 都有嚟到香港,我同佢去咗探訪孤兒院、主題公園玩,之後都有一直保持聯絡。我覺得佢好可愛,同埋真係好似 MJ,無論身體比例都係手長腳長、講野表情,仲有特別係佢把聲係最似。而今次透過呢首歌,令我好似同我偶像合唱,我覺得係一件好精彩嘅事!」

今次MV杜德偉請到MJ 家族成員合唱

至於B.Howard亦相當有心,特意從美國飛抵韓國拍攝 MV,一落機就趕到拍攝現場,並在短時間內拍攝遊車河睇夜景、玩煙火等鏡頭,Alex也戥對方辛苦:「佢一落機就要埋位,喺片場沖涼換衫。同埋佢真係帶比我好多豐富嘅經驗,因為佢介紹咗我認識『格林美』級數嘅音樂幕後團隊,促成嚟緊我呢隻碟每首歌都可以同唔同嘅高人合作。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟