【Do姐再Shopping】60歲鄭裕玲大騷運動細胞 農夫黃翠如都要行埋一邊

由鄭裕玲(Do姐)領軍的節目《Do姐再Shopping》昨晚(27號)首播,她首先帶隊與農夫及黃翠如到日本東京「濕平」,有睇上一輯的觀眾應該都見識過他們四個人在一起時的化學反應,爆笑程度可謂爆燈,不過今次各人除了大放笑彈外,Do姐更展現其運動細胞,睇到各人拍掌讚好!

陸永笑指Do姐似曱甴

話說他們一行人前往玩攀石及瑜伽,其中Do姐及黃翠如先嘗試攀石,見到Do姐行動相當靈活,反之黃翠如就一直唔上唔落,似乎好辛苦,搞到Do姐一直在下面護着,最後黃翠如更要被Do姐抱住才能落地,認真失威!之後輪到Do姐繼續顯功架,然而中途突然失手,整個人大字型向下仆,令全場人士嚇一嚇,但Do姐隨即站起來再度挑戰,精神令人相當敬佩,而陸永也不禁說:「Do姐第一次跌落嚟,我哋全部人都真係驚一驚,諗住安慰佢扶佢,佢即刻彈返起身,嗰種生命力真係好似曱甴!」

黃翠如攀石攀到唔上唔落(影片截圖)
相反Do姐就好輕鬆(影片截圖)
不過突然失手跌落地,令個個都嚇親(影片截圖)

瑜伽難唔到Do姐

接着輪到Do姐與農夫玩瑜伽,對比起C君極度硬的身體,Do姐顯然十分柔軟,當眾人要做出拱橋時,Do姐二話不說擺出一個正宗的拱橋動作,睇到在旁的黃翠如哇哇聲,不過C君就好抵死咁話:「呢啲唔係彭丹,呢個係驅魔人嚟嘅!」最後甚至連倒立都難不到Do姐,雖然Do姐已經60歲,但做起運動上來比幾位後生仔女還要出色,果然保養得宜,看來農夫及黃翠如要好好向Do姐學習!

拱橋冇難度(影片截圖)
仲有倒立都冇問題,相反農夫就做到一仆一碌(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟