久未現身熒光幕 苑瓊丹發揮搞笑本色寸鄭裕玲人唔似人

日前舉行的《TVB馬來西亞星光薈萃頒獎典禮2017》,除了有姚子羚及陳山聰的催淚位外,當中也不乏搞笑位,而講到最爆笑的一幕,都相信是久未現身香港熒光幕的苑瓊丹 (苑仔)擔任頒獎嘉賓。

認識苑瓊丹的觀眾,都知道她是一個出色的綠葉,多年來不論電影或電視劇都演活了不少的角色,此外她亦充滿住喜劇細胞,其中《唐伯虎點秋香》中的石榴姐、《皆大歡喜》的紗紗郡主等角色都帶給大家無數的歡樂。而她今次擔任頒獎嘉賓,也不忘發揮搞笑本色,甚至連鄭裕玲(Do姐)也寸埋一份!

C君躺着也中槍

作為一個搞笑能手,首先要懂得自嘲,陸永在介紹苑仔出場時以「風情萬種」形容她,而她甫出場便講笑話:「風情萬種就唔關我事,『風塵面腫』就有我份。」及後問到她如何成為好的女配角,她則唔多正經說:「好簡單嘅啫,只要你有李嘉欣嘅容貌,但角色需要你變咗李家鼎,咁就搞掂喇。」但她表示攞獎與否是看有沒有得獎命,更指名字很重要,她還拿了陸永作例子說:「嗱,你哋個名就衰喇,你哋個組合叫做農夫,咁你哋唱歌㗎嘛,聽你唱歌啲人聾嘅,你慢慢咪枯囉。好彩你叫陸永啫,陸陸續續永遠有得做,你的拍檔叫C君,嘩,屍骸遍野任君選擇咁嘅樣,唉。」

苑瓊丹寸爆陸永(影片截圖)

寸Do姐人唔似人

以為苑仔就這樣寸爆陸永而已,誰知她轉個頭便指住Do姐說:「Do姐你仲慘,佢哋叫你Do Do姐,你Do到謝晒,你睇吓你依家人唔似人咁嘅樣。」苑仔連Do姐都不放過當面寸她,不過兩人感情甚好,相信Do姐亦不會介意,而苑仔這一幕也讓現場笑聲不斷,個個睇到拍晒手掌,帶來整晚的高潮!

鄭裕玲都難逃被寸命運(影片截圖)
唔少藝人睇到拍晒手(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟