【跳落水整親】開Live交代受傷經過 鄭欣宜:係好蠢好蝦碌嘅一件事

藝人鄭欣宜(Joyce)昨日下午(6號)在社交網上傳影片,透露自己跌斷腳要入院做手術,並擔心自己的腳以後不能如以前般靈活而爆喊,當時片中她沒有交代受傷原因,而她在留言中表示會在昨晚開直播交代一切。

其後到晚上Joyce亦如之前所說開Live,她向大家派心丸指已經順利做完手術,叫大家不用太擔心,她透露昨午上傳的影片是在手術前一日拍攝,坦言當時情緒很亂:「但我好樂觀嘅,我好相信一樣嘢係當你有恆心做一件事、相信一件事嘅時候,一定可以做得到。」

鄭欣宜交代受傷經過(影片截圖)

跳水整親

她在直播中也透露受傷原因:「我收到消息2018年4月22號得到紅館嘅期,公司嗰陣話幫我入紙我都係求其簽個名,估唔到入到!所以我一得知好消息嘅時候就同自己講去一個旅行,旅行之後返香港要收心去準備演唱會。點知就係喺我假期入面,我就整親咗隻腳。其實係好蠢嘅一件事,亦係經驗淺啦,我以為個水好深,我跳落去嗰陣原來水好淺,我隻腳一入水就插到沙,跟住仲要錯咗方向,所以腳骨就裂咗,韌帶斷咗,同埋隻腳移咗位。」Joyce表示自己起初以為只是扭傷,誰知回港後隻腳變得極腫:「之後一照X光,醫生就話『你要留院,要做手術喎!』我先知道原來咁大件事!到最終我決定做手術,我同兩個醫生分享咗我要開紅館,佢哋都覺得For長遠嚟講最好係要做手術,雖然我好驚,因為人生第一次做大手術,但都決定咗要做。」

鄭欣宜展示手術後的腳(影片截圖)

用拐杖輪椅上紅館都會盡力演出

Joyce之後還展示自己手術後的腳,並表示自己正努力做物理治療,又學用拐杖上落樓梯:「所以放心,無論點都好,就算篤住拐杖轆住輪椅上紅館舞台我都一定會係盡我能力做最好嘅Good show畀大家睇嘅。」

鄭欣宜表示就算要用拐杖輪椅上舞台都會盡力演出(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟