【着裙都要打籃球】陳偉琪入行後照落街場搵人「挑機」

無綫「咪神」陳偉琪(Vicky)日前收起性感,改以「戰鬥格」運動Look,與鄧穎芝、龐景峰等現身灣仔出席籃球賽,更以賓身份即席落場跟運動健兒「挑機」。

陳偉琪與一班藝人現身球場出席籃球賽
陳偉琪打起籃球上嚟有板有眼

着裙都要打波

Vicky在球場上表現有板有眼,穿針、走籃樣樣皆能,原來她自小學四年級已經開始打籃球:「細個有次見到爸爸單手輕易射籃,覺得爸爸好型,自己我就愛上籃球,所以爸爸可以話係我籃球場上嘅啟蒙老師,我哋會一齊落場射波。」雖然Vicky已是公眾人物,但對打波熱誠有增無減的她仍不時隻身膽粗粗走到維園跟場「挑機」:「我依家都會落街場打波,試過有次收工着住裙都落場打(公眾人物落街場打波會否感不便?有冇試過畀人撩?)冇,真正嚟打籃球嘅人,大家都互相尊重,可能我落到場,比起男士會更硬淨更有男子氣概。」Vicky還表示讀書時期曾有追求者為她學打籃球,不過她的擇偶條件是好動、開朗,就算不懂打籃球也可以。

陳偉琪指自己入行後仍會落街場打波
陳偉琪

新劇色誘陳豪

此外,近年劇接劇的Vicky,在台慶劇《誇世代》中與陳豪、朱咪咪有不少對手戲,劇情講述她自以為天姿國色,不時色誘陳豪,引發連番笑話,更是她入行以來首部惹笑喜劇!問到她要色誘陳豪有否感尷尬?她表示:「大家都係做戲,非常專業,都冇尷尬,反而我怕我嘅色誘戲會Over,我問咗陳豪好多意見,佢教我用眼神色誘佢,突顯喜劇效果。」

陳偉琪在《誇世代》同朱咪咪有不少對手戲
陳偉琪指陳豪幫了自己很多
陳偉琪指《誇世代》是自己入行以來第一次拍惹笑喜劇
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟