為咗獲得關注 Bob嫂爆三個姐姐有「行為倒退」

藝人林盛斌(Bob)的老婆Pearl今年8月為Bob誕下囝囝Jaye(林道申),加埋三個囡囡,一家六口非常溫馨熱鬧。不過每逢有新成員加入,作為哥哥或姐姐都會因怕父母的愛被分薄而呷醋,甚至會討厭弟妹。至於Pearl今日凌晨於社交網發長文,雖然指三個囡囡沒有妒忌弟弟,但表示她們均有「行為倒退」的跡象!

三個女兒都有行為反常

Pearl表示:「通常呢啲情況係因為細嘅出世,自然享受最多嘅關注,大嘅自然感覺被忽略,然後出現各種行為嘅反常。例如本來可以自行如厠卻突然話唔識、或是本來可以自行食完一整碗飯,現在卻一啖都要人餵、另外仲有最重要嘅情緒起伏不定。呢啲行為(我)統稱為行為倒退,至於點算唔索性叫妒忌呢?因為大嘅平常時候分明十分愛錫細嘅,每日都要錫錫,只係當大嘅感到明顯嘅忽略,行為就會突然倒退,有時加上情緒嘅暴發,而且完全不能處理。」

三位家姐好錫細佬(Instagram圖片)

細女的行為倒退最難處理

Pearl直言三個女兒都有不同程度的行為倒退,而兩個大家姐只要重新表現關注就可以解決問題,但三家姐卻是最難處理的一個:「3歲,人細鬼大,進入自主期後脾氣日益見長。或者行為倒退係小朋友天生的防御機制,用來保護我地親愛嘅寶寶弱小心靈。」她坦言自己只處理細仔飲奶及沖涼,並一心專注照顧三個家姐,但被她們的情緒暴發搞到無晒符:「我每日好似地幔裹(裏)面嘅岩漿–不能自制嘅滾熱流動,但願這場不能避免的風暴可以慢慢變得溫和且日漸散去。」

Bob嫂指細女的行為倒退最難處理(Instagram圖片)

最後她更舉例指出細女的反常行為:「三家姐在我餵奶時吵著要我陪她瞓教(覺),於是我請佢在旁邊等一等,我餵完奶十分願意陪佢。於是佢就喺旁邊擺著一副瞓教嘅樣子。你地(哋)睇下,呢個樣幾美好⋯」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟