跌斷腳做手術 鄭欣宜爆喊驚變唔返以前咁靈活

藝人鄭欣宜(Joyce)今日(6號)突然在社交網上傳一段三分多鐘的影片,影片中見到她躺在病床上,面容憔悴,她先向大家透露拍攝影片的日期為10月31日,還解釋在醫院的原因是她跌斷腳!

鄭欣宜透露自己跌斷腳要做手術(影片截圖)

她在影片中透露:「啱啱見完我主診嘅骨科醫生,過去呢兩日佢都同我講話我要做手術嘅,因為除咗個骨斷咗之外,我嘅腳骨移咗少少位,我最關心嘅係我以後嘅靈活性。」

鄭欣宜擔心隻腳以後嘅靈活性(影片截圖)

唔會影響她的紅館夢

她表示關心就算會否做手術,康復後會否與以前一樣靈活,講到這點她開始忍不住哽咽起來,更一度流起淚來:「大家都知我喺台上面嘅時候我係好紮紮跳嘅,我好鍾意跳舞,我好驚做完手術之後隻腳會……唔似以前咁靈活,for長遠嚟計,係要做手術嘅,但係我哋個時間就好緊迫,因為今日係10月31號,我4月22號會開我人生第一次嘅紅館個人演唱會,我當然希望我可以最佳狀態,可以好忘我、好放、好投入咁去表演畀大家睇,所以我決定我一定要做手術,唯有做完手術之後,落力啲、辛苦少少做物理治療,大家放心我唔會因為呢一隻腳停咗我或阻止我紅館嘅夢,你哋可唔可以為我加油呀?」最後Joyce表示希望得到大家的鼓勵,坦言自己其實很害怕。

鄭欣宜擔心到爆喊(影片截圖)
鄭欣宜表示不會因為腳傷阻礙到紅館夢(影片截圖)
鄭欣宜希望大家為她加油(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟