【森美旅行團】面對美景變得感性　森美講起老婆激動爆喊

由

2017-11-02 17:16

藝人森美夥拍高海寧、黃心穎、麥美恩主持的旅遊節目《森美旅行團》於本周一（10月30日）開始播出，而在昨晚（1號）的一集入面，講到森美帶黃心穎去玩立式划槳，並對住東京晴空塔睇日落，誰知身後竟然出現雙彩虹，面對如此難得兼美麗的景色，向來搞笑的森美罕有般在熒幕前講起太太，直言希望與太太一同欣賞此刻美景，更感性流下男兒淚！

愛情要喺對方唔喺你身邊，你先覺得需要佢

他坦言如果當下如果與太太同行的話，自己會很開心，其後他更激動得爆喊說：「我心入面諗如果我下次再同太太嚟嘅時候，我會唔會見得返個日落呢？如果我見得返個日落又未必見得返個彩虹，所以我覺得……愛情原來有時真係要喺對方唔喺你身邊，你先覺得需要佢。」說畢後他都忍不住用手抹去淚水，連黃心穎也感動得直呼：「好Sweet呀！」