自爆有了解中的對象 陸詩韻唔排除閃婚

藝人陸詩韻與張文慈今日(26號)出席美容活動,她在接受傳媒訪問時自爆因為違例駕駛兼衝燈,導致扣剩4分,因此要上駕駛改進課程:「有時太心急唔覺意會衝燈,所以冇晒啲分,要強制性上個課程。」

陸詩韻及張文慈出席美容活動
陸詩韻及張文慈出席美容活動

有了解中的對象

問到她會否希望找個男朋友做司機?她則笑言:「咁又唔得,男友要嚟氹我開心,司機會好啲(搵觀音兵?)咁又唔好,好慘㗎嘛,攞呢個詞嚟講嚇親佢哋(係咪好多?)有了解中嘅,都幾好嘅,希望都低調,但我唔會話隱瞞,又唔會特別去宣布,結婚梗係會宣布啦。咁有人問到又唔會唔認,但唔會特登攞嚟講。」

陸詩韻自爆有了解中的對象
陸詩韻自爆有了解中的對象

唔排除閃婚

陸詩韻坦言有風水師曾告訴過她感情事要低調處理,之前高調戀情都會告吹,問到她的結婚計劃?她表示:「我嗰時想係24歲選港姐,28歲結婚,30歲前生小朋友,但全部都唔成事,我依家都唔敢答喇,隨緣啦,但如果唔生小朋友嘅話都唔一定要結婚嘅,睇吓對方想唔想生小朋友,不過依家45歲生都好平常(會唔會怕咗拍拖?)又唔會喎,咁單身得耐都希望有人錫(閃婚?)唔排除嘅如果有咁嘅可能。」

陸詩韻認為不生小朋友的話不一定要結婚
陸詩韻認為不生小朋友的話不一定要結婚
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟