感激老婆為他完成心願 張頴康:下一世我做女人幫返你生

藝人張頴康的太太麥雅緻(Angie)最近誕下囝囝「小花生」,成功湊夠一個「好」字!而再做老竇的張頴康心情可謂靚爆,他更在社交網照上一家四口全家福,並發表愛的宣言多謝老婆!

下一世我可以做女人幫返你生BB

張頴康今日(24號)凌晨留言多謝老婆的付出,才讓他完成屬於自己一家四口的願望,他更坦言自己為了報答老婆,希望下世可以做女人替她生BB:「睇返呢一個星期裡(裏)面影過嘅相,好鍾意呢兩張簡單嘅全家福!雖然唔係由攝影大師操刀,但係記錄咗我人生最重要嘅時刻!我一直希望擁有一個屬於自己嘅一家四口,我今日有喇!無論以後嘅日子點樣,我都會盡我能力保護我嘅家庭!多謝老婆用自己嘅身體完成咗我呢個願望!我老婆為我嘅付出,坦白講,我都唔知點還,點報答!希望下一世我可以做女人幫返你生BB啦!」至於張頴康上傳的全家福中,其中一張張頴康與Angie和家姐「小豆」有默契般嘟起個嘴賣萌,不過小花生就擘個大口,整個畫面可愛之餘更帶溫馨!不少網民都大讚張頴康好男人,並祝他們一家四口幸福快樂。

張頴康晒全家福(Facebook圖片)
張頴康晒全家福(Facebook圖片)
張頴康Facebook留言
張頴康Facebook留言
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟