帶囝囝做慈善 程瑤稱最好家庭日節目:課堂上學唔到

「仁美清叙」主席程瑤(Donna)早前聯同副主席黎嘉韻及吳夢婷,前往天水圍探訪一起患有抑鬱症或情緒困擾的家長和及其小朋友,她更準備多份小禮物送給這些家庭,又與他們大玩親子遊戲,促進親子關係的同時亦發放正能量。

程瑤為慈善親力親為
程瑤為慈善親力親為

帶埋囝囝做慈善

這次探訪,Donna更特別帶同兩位囝囝一起現身做善事,她直言希望兒子長大後能為社會作出貢獻:「我想佢哋知道,社會中有好多需要大家幫助嘅人同家庭,佢哋喺健康同幸福嘅家庭中長大,但社會上亦有好多家庭存在自身嘅問題,需要外界給予援助。」Donna透露只要兒子不用上學,便會帶他們一起參與慈善工作,笑言是家庭日最好的節目:「其實家庭日除咗同小朋友周圍玩,仲可以帶佢哋做慈善,呢啲係課堂上學唔到。」

程瑤帶埋囝囝做慈善
程瑤帶埋囝囝做慈善

此外Donna預告「仁美清叙」將會繼續進行這些家庭探訪,並感謝「仁美清叙」成員抽空出席:「做呢啲探訪你會發覺自己已經好幸福,而今次好感謝黎嘉韻及吳夢婷抽空出席,其實其他成員都好有心,雖然有工作在身嚟不到,但有幫手準備呢啲禮物,希望下次佢哋都可以一齊參與。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟