【連炒兩架車】謝安琪揩花晒條軨 張繼聰無言:最緊要人冇事

藝人張繼聰日前在社交網上載一條短片,自爆自己揩花咗架車,半條「輪拱」都甩咗出嚟,他還一臉無奈般拎住「殘骸」,睇落非常可憐!

張繼聰前幾日先揩花咗架車,仲整甩半條「輪拱」(影片截圖)
張繼聰前幾日先揩花咗架車,仲整甩半條「輪拱」(影片截圖)

連炒兩架車

點知人黑起上嚟真係點擋都擋唔住,昨晚(22號)阿聰再於社交網上傳一段片,而今次出事的主角正是他的老婆謝安琪!他在片中說:「人生發生好多嘢都係有原因嘅,前幾日我咪揩花咗架車嘅,頭先有位女歌手同我講唔好意思。」然後鏡頭一轉就見到他影住條軨,仲見到條軨花咗少少添,阿聰之後說:「我話唔緊要啦,少少啫!點知佢話唔係呀,後面!」之後鏡頭再次影返條軨,原來成條軨都幾乎花晒!接住阿聰再將鏡頭帶返去自己度,見到他好似少少眼濕濕,停咗一停之後話:「我同我老婆講唔緊要啦,軨係要揩花嘅,最緊要人冇事咪得囉,我自己都係成個輪拱炒出嚟啦!冇事喇,幾開心,冇事喇,拜拜!」阿聰最後更留言說:「有邊個會估倒個世界有咁多驚喜? 如果依單嘢又再次引起你嘅共鳴,請留個咁嘅言啦! 『Kay , 你好嘢』 冇事嘅話,我想去瞓先」有網民認為阿聰架車唔多「老黎」,留言叫佢換車,豈料阿聰回覆說:「留意番,係另一架」短短幾日連炒兩架車,又難怪阿聰個樣咁Sad啦!

點知今日另一架車又畀謝安琪揩花(影片截圖)
點知今日另一架車又畀謝安琪揩花(影片截圖)
條軨花晒(影片截圖)
條軨花晒(影片截圖)
一臉無言(影片截圖)
一臉無言(影片截圖)

至於罪魁禍首謝安琪其後亦有轉發老公的短片,並留言說:「明明有人話唔緊要啦,少少啫,點解宜(依)家好似咁多人睇到嘅呢……我下次揸車出街,係咪會好多人向我大嗌:『Kay~你好嘢』」

謝安琪Facebook留言
謝安琪Facebook留言
謝安琪(Facebook圖片)
謝安琪(Facebook圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟