獲邀欣賞歌舞劇 張立基舞癮起突襲舞台與演員真「PK」

歌手張立基(Norman)日前與「電波少女」稱號的雷晴雯(Winnie)獲邀於荃灣大會堂欣賞歌舞劇,歌舞劇更直接將張立基「擺上枱」,以抵死啜核對白挑機寸爆「張立基」,其中演員高呼一句「PK張立基」,更讓Norman與Winnie拍爛手掌大聲叫好!Winnie還表示兩人的同行友人皆笑說以後Norman可以多個花名叫「PK」。

張立基、雷晴雯
張立基、雷晴雯

突襲舞台真「PK」

Norman對於整個演出更是讚不絕口:「鍾意跳舞嘅人其實真係好搞唔掂,嗰份心癮真係跟足一世點都戒唔掉,音樂一起就周身都『痕』,心痕腳又痕,就算坐喺度都好自然地好似有嘢咬咁,不由自主跟住節拍周身郁!」他更表示感受到演出者心中那團火,故此看得很享受。而Norman更在謝幕後來個反擊突襲,以神秘嘉賓身份突然上台與眾演員來個真「PK」,即席演唱《Electric Girl》,令全場氣氛High爆,全場觀眾均企晒起身一齊跳!

張立基突襲舞台
張立基突襲舞台

而Winnie透露今次歌舞劇的編舞者自小視Norman為偶像,認為Norman跳舞勁及有型,潛移默化令他愛上跳舞,故此今次歌舞劇希望請到Norman親臨欣賞。另外她透露將於新片有跳芭蕾舞的戲份,她坦言意義非凡:「呢次演出對我嚟講係絕對嘅浴火重生,發夢都無諗過會有一個咁珍貴嘅機會,所以格外珍惜同感恩。」她表示現正緊密練習加強訓練,並指這段戲份是證明自己終於做得到的同時,更是為當日相信、支持及鼓勵她的人而跳。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟