22歲整容30次 整容女Berry想變返正常

最近ViuTV節目《晚吹-男人講嘢》請來22歲網紅Berry分享整容之路,可能大家會疑惑她有何特別,實際上年紀輕輕的她已經整容30次,當中包括微整形及開刀手術,更早於17歲第一次整容!而她與前男友分手後,決定將自己經歷拍片與其他人分享,希望有意整容的女生要三思而後行。

以前Berry幾清純(Instagram圖片)
以前Berry幾清純(Instagram圖片)

17歲第一次整容

節目中Berry大方展示自己幾年前的照片,被主持鄒凱光、駱振偉、薛晉寧大讚不俗,問到為何樣子甜美的Berry選擇整容?她表示:「第一次整容係17歲,應該讀緊中五,嗰陣嗰啲o靚模火紅,日迷夜迷仲擺埋喺床頭。嗰陣成班女仔咁傾咩,一係減肥一係整(容),嗰陣我冇乜點化妝,反而一嚟就好大膽去整容。」

Berry大方騷以前的照片(影片截圖)
Berry大方騷以前的照片(影片截圖)

花17,000蚊打三枝針

面對整容昂貴的費用,Berry如何負擔?她表示當時有很多799元的微整形推廣,她繼而前往詢問,可惜一切與想像有出入:「上到去之後佢就困住我傾咗3個鐘,最後變咗17,000蚊打三枝針,我話『我邊有咁多錢』,嗰陣我17歲,成副身家得5,000蚊,跟住佢叫我借,我真係填咗資料,好彩我嗰陣17歲唔批,之後佢問我有冇朋友有信用卡,可以搞分期,最終我叫我朋友幫我搞分期。」雖然當時相信職員的話花萬多元打針,但Berry直言現在回想當時對方說的話,簡直想摑對方一巴!

因前男友踏上多次整容之路

Berry坦言嘗試第一次整容後沒有因而上癮,亦不知效果是否算顯著,更沒有因而信心大增。然而直至認識一個男朋友後,改變了她的人生。她表示當時的男友不斷踐踏自己,先從性格開始批評,及後連衣着打扮都被踩,終令她為前男友踏上多次整容之路,甚至甘願為對方隆胸!

Berry為前男友甘願隆胸(影片截圖)
Berry為前男友甘願隆胸(影片截圖)

想變返正常

雖然整容30次,不過Berry坦言想慢慢變回正常,但因化學東西太多的關係,沒有辦法可以溶化,至於為何突然不再整容?她認為自從拍片後有很多人指以前的她比現在更好,更直言打針打到見到針都覺得煩:「同埋當你瞓咗喺手術台上面,真係好無自尊。」

Berry(Instagram圖片)
Berry(Instagram圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟