打風都打唔甩 「七魔女」10號風球照幫周家蔚慶生

由佘詩曼與周家蔚、湯盈盈、梁靖琪、文頌嫻、姚樂怡、鍾麗淇組成的「七魔女」,早前為紀念相識十周年拍攝一輯騷腿性感照,而前日(23號)正值十號風球,「七魔女」仍冒着風雨聚首一堂,目的就是為今日(25號)34歲生日的好姊妹周家蔚慶生!

打風去餐廳似包場

雖然慶生撞正打風,但周家蔚直言已不是甚麼新鮮事:「今次已經係我第2次打風下慶生,之前試過8號風球照常慶祝。其實打風下慶祝都幾好,出門既唔會塞車,條街又唔多人,連餐廳都冇人,似足『包場』!」

「七魔女」為周家蔚慶生
「七魔女」為周家蔚慶生
生日快樂!
生日快樂!

七魔女缺一不可

周家蔚又自爆每年她的生日,「七魔女」定要齊腳慶祝,少一個都唔得:「假如撞到有人唔得閒,就算差一個我都寧願遲啲再食,都一定要齊人。」而今次生日聚會,周家蔚撇低老公洪天明、囝囝洪大仁(TJ)與洪竟琋(JT),席間好姊妹更送上紅色手提包給周家蔚做禮物,令周家蔚大為興奮,而梁靖琪則送上「肉嘴」一個!問到周家蔚會否趁生日再與「七魔女」拍性感照?她表示暫時不會:「隔多幾年,等大家有啲變化先再影啦。」

梁靖琪送香吻
梁靖琪送香吻

希望囝囝聽教聽話

至於生日正日,周家蔚則與老公洪天明、爺爺、爸爸、姑姐等一同吃飯慶祝,問到囝囝TJ有否送她生日禮物?她冧爆話:「之前佢用紙黏土整咗個爆谷送畀我,算係佢畀我嘅生日禮物。(有咩生日願望?)希望TJ聽教聽話,乖乖生性、有禮貌、孝順父母。」

囝囝TJ用紙黏土整爆谷送畀周家蔚
囝囝TJ用紙黏土整爆谷送畀周家蔚
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟