吳業坤半裸做影「後」 網民要求「華麗轉身」

歌手吳業坤早前才剛完成與JW合作的音樂會,接着又要繼續趕拍新劇《誇世代》,不過辛苦咁耐,相信坤哥可以唞吓喇,皆因他昨日(14號)在社交網公布拍畢新劇的戲份!

坤哥全裸?

坤哥在社交網留言說:「全劇最後一組外景果然特別甘,特別甜。不過嚟緊嘅咩都好都會做好佢,相信有更多更多!然後我可以講一聲:『全劇完!』 #九個鐘無去廁所#與垃圾暢泳#九小時無間斷同陽光玩遊戲#好慶幸做到包豹呢個角色#呢部劇得到嘅係無價#所有嘢都值得#誇世代」同時他亦上傳一張拼圖,上圖為他着住黑色背心配上黑超,悠閒般坐在船上;至於下圖就激得多,因他背住鏡頭,僅用毛巾遮下半身,疑似全裸!唔少粉絲都要求坤哥一係拎走條毛巾,一係嚟個「華麗轉身」,睇嚟網民對坤哥副Body好有興趣。

吳業坤疑似全裸?!(Instagram圖片)
吳業坤疑似全裸?!(Instagram圖片)

大晒「肉」背

而他其後再上傳一張赤膊、背對鏡頭的照片,大晒「肉」背,他更留言說:「肥美厚肉,廿蚊斤」不過有粉絲卻將重點放在他的西褲上,問道為何遊船河並非着泳褲而是西褲,另外更有粉絲跪求正面照,不知坤哥何時能滿足一班粉絲的心願呢?

網民要求吳業坤來個「華麗轉身」(Instagram圖片)
網民要求吳業坤來個「華麗轉身」(Instagram圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟