【家庭旅行】胡諾言因工作先返港 囡囡不捨攬到實

藝人胡諾言與陳琪結婚後,育有兩女胡芷苓、胡芷悠(Jacey)及一子胡澔錕(Jayden)。最近兩公婆趁住囡囡放暑假,舉家前往澳洲滑雪,而囝囝因年紀太小關係而交由祖父母照顧。

囡囡不捨胡諾言離開

一家人去旅行當然要上傳靚相晒家庭樂,而這個重任就交給陳琪負責,她將他們滑雪當日的照片放上社交網,然而胡諾言因工作在身,送老婆囡囡到雪山後便先行離開返港,陳琪亦將兩父女攬住講再見的照片放上社交網並留言說:「老公安全將我哋送上雪山,可惜唔到幾個鐘就要孤身回港。囡囡好唔捨得爸爸,要分開嘅感覺,就算只係幾日都覺得好唔開心。不過請放心我會睇實兩位寶貝……」見到照片中囡囡攬到胡諾言實一實,睇嚟真係好唔捨得爸爸離開,而胡諾言亦錫返囡囡一啖安撫吓佢,網民都表示場面好溫馨,仲大讚胡諾言是盡責的好老公兼好爸爸。

囡囡睇嚟真係好唔捨得胡諾言(Facebook圖片)
囡囡睇嚟真係好唔捨得胡諾言(Facebook圖片)

冇爸爸都玩得盡興

雖然胡諾言提早離開搞到囡囡唔開心,不過有得玩雪,加上有媽媽陪伴,小朋友自然很快可以重拾心情,陳琪亦將囡囡砌雪人的照片擺上社交網,而姐姐要上堂學滑雪的關係,陳琪就同妹妹坐吓雪兜影,光看照片都感覺到她們在雪山度過愉快的一天!

不過有得玩雪,囡囡心情好快好返晒(Facebook圖片)
不過有得玩雪,囡囡心情好快好返晒(Facebook圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟