女新人愛玩騎呢風 黃煦珽做「女神BB」上位

近幾年韓風盛行,不少香港的公司都食住個勢學人推出組合兼玩KPOP風格,當中當然包括「三大巨頭」FFxBOP(天堂鳥)及Faith!他們導致香港樂壇在早幾年出現前所未有的變化,被「MK-POP」及「騎呢」等詞語騎劫!時至今日, FFx踢走Shirley後剩下的CeciChristyMizaki改組叫Sugar Baby,改組後無人問津;BOP近年飽受官司困擾,影響在香港的工作,但他們早前再出發,推出新歌並宣布十月底開騷;至於Faith經歷一次又一次的踢走成員後,今年起已鮮有消息。

林羨淇勁敵

林羨淇有勁敵啦(社交網圖片)
林羨淇有勁敵啦(社交網圖片)

MK-POP」的熱潮退得七七八八,不過「騎呢」的風氣卻重申燃起!繼早前女新人林羨淇(Suga)憑住一首聲音Auto-Tune到極怪異的《男神為我唱首歌》,加埋用無數 「銀彈」於地鐵站內大落廣告宣傳後成功彈出!正當以為Suga玩晒冇對手的時候,日前突然出現「勁敵」,對方正是中華文化小姐黃煦珽(Zaneta)!Zaneta曾經是組合「A to Z」的成員,於今年單飛正式進軍樂壇並推出新歌《女神BB》,就歌名來看,Suga講「男神」的同時Zaneta就講「女神」,都知道兩人要行的路線應該都差唔幾,兩人的歌還一起被網民認為可媲美FFxSugar Baby》!

黃煦珽 (影片截圖)
黃煦珽 (影片截圖)

話說今次隻《女神BB》是Zaneta自資六位數字兼籌備一年完成,她更首次參與填詞, 除此之外又為新歌拍攝微電影,仲親自為MV監製,都幾有誠意。不過誠意唔可以當飯食,雖然ZanetaMV入面有跳吓舞,比成個MV唔係企就坐嘅Suga多嘢睇,不過對於Zaneta的舞技就真係不敢恭維,她曾經接受傳媒訪問時表示自己在MV中有跳KPOP風格的舞步,之但係KPOP風格舞步是什麼?之前FFx都講過她們走KPOP風格,難道借「KPOP」之名做賣點會比較突出?雖然不知她的舞蹈是否真的有KPOP成份,但單看MV的話,還是希望她別再做「跳唱歌手」吧!

網民唔Buy

新歌仲拍埋微電影添! (影片截圖)
新歌仲拍埋微電影添! (影片截圖)

至於新歌推出後,迴響似乎冇Suga咁勁,但一樣劣評如潮!網民更直指歌曲同FFx沒分別,仲話望到Zaneta個樣,覺得佢年紀有返咁上下,兼好似苑瓊丹添,加埋跳唱都唔得,劣評多到數唔晒!不過咁,今年出道的新人都冇乜聲氣,不過SugaZaneta靠「騎呢」獲得關注,可能現今趨勢真的要走另類風格才能成功。

仲搵埋蜥蜴仔客串 (影片截圖)
仲搵埋蜥蜴仔客串 (影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟