昔日好姊妹鬧翻,最尷尬的應該都是一班身邊的好友吧!所謂手心又係肉,手背又係肉,站在哪一邊都會激嬲另一邊,都真係唔知點算!
而藝人鄧麗欣(Stephy)及區文詩(Angela)正正處於這個尷尬的位置。好姊妹楊愛瑾(Miki)自從被指是另一好姊妹吳雨霏(Kary)去年小產消息的放料者後,Miki與Kary關係正式破裂, 對於兩人絕交一事Angela曾在訪問中直言不想做和事佬,希望讓事情慢慢淡化。
今次飯聚冇Kary
不過兩人關係一日未緩和,Stephy和Angela唯有比以往頻撲一點,分開約Kary與Miki飯聚。繼早前Stephy和Angela約Kary食生日飯後,昨晚兩人則約了Miki及以前Cookies的經理人食飯,Angela亦將當晚合照放上社交網並表示:「每個藝人入行嘅時候,身邊都會有一個好似媽媽咁嘅角色嘅人照顧佢哋嘅所有嘢,呢位就係我哋當年嘅媽媽喇!#Manager #MaMa #LongTimeNoSee #CatchingUp」唔少粉絲見到四餅每次差一個都覺得很可惜,希望將來可以再看到四人合照。
