覺得坎坷? 李克勤爆《紅日》歌詞由來

歌手李克勤一直都有為自己的作品填詞,而他日前接受電台訪問時亦透露開始填詞的經過,他表示1986年推出首張EP中有首歌本來找林敏驄填,然而對方將歌詞寫在草紙(低價廁紙)上,後來字體化開並無法閱讀:「我哋又搵唔到阿驄,所以監製就問我以前喺學校係咪有填過舊曲新詞,叫我自己填自己唱返。」他指自《理想的開始》起幾乎每隻碟都會有自己填詞的作品,而早期小美及向雪懷都會幫他改歌詞,而自己則喜歡出主意套於歌詞裏。問到寫歌習慣時克勤笑言:「好似交功課咁,畀3個月我,都係3日前先寫,同埋寫詞邊到寫都得,但千祈唔可以喺床到寫,實瞓!」

「命運就算顛沛流離,命運就算曲折離奇」的由來

同時克勤亦分享《紅日》中「命運就算顛沛流離,命運就算曲折離奇」兩句歌詞的由來:「嗰陣我同袁詠儀拍緊劇,拍到半夜兩、三點仲要填詞,匿喺TVB停車場一架車到填,覺得自己好坎坷,所以先寫咗。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟