黃子華潘燦良舞台劇加開十場 仍然秒速售罄

黃子華與潘燦良明年1 月於演藝學院的舞台劇《最後禮物》早前優先訂購火促爆滿,內部認購亦爆到冇朋友,雖然主辦單位靜雞雞宣布加多十場,一共四十場,但昨日(12月7日)公開發售後仍火速售罄,不少戲迷大嘆一飛難求。

記者致電給舞台劇策劃總監馮貽柏(ALEX)查詢,Alex坦言,「係呀,會加多十場,7號公開發售。」為乜咁靜雞雞加場,Alex笑言,「哎也,其實真係好多謝大家支持,係真係爆到滿瀉,都唔係靜雞雞嘅,隧道口會上大廣告版啦。 」對於今次舞台劇超級反應熱烈,據知子華及潘澯良及一眾演員都十分開心,「因為其實大家都唔夠飛俾比朋友,日日都追瘦我再分配額比佢地。」

ALEX表示,目前舞台劇已經展開排練了近兩星期,黃子華及潘燦良每日於排練室都排得非常之咁投入,加上用視像與身在外國的莊梅岩一同排練,花火滿天飛,劇本對白邊排邊作細緻修輯,精益求精讓人拍案叫絕,相信觀眾入場必感受到成個劇的演員都劇力萬鈞,情感滿載。至於四十場,是否真的可以滿足市場上需求,Alex謂,「應該都未係滿足得到。不過同子華、阿燦研究左,目前檔期最多只可演40場。希望大家搶到飛啦。搶唔到我都冇辦法架啦。」

黃子華潘燦良舞台劇加開十場照秒速售罄。
黃子華潘燦良舞台劇加開十場照秒速售罄。
黃子華潘燦良舞台劇加開十場照秒速售罄。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟