錢嘉樂湯盈盈首度螢幕前演夫妻 Chantel被封為NG王

集合一眾《聲夢傳奇》學員及《盛‧舞者》參賽者的無綫全新青春劇《青春本我》(Forever Young At Heart),由李敏擔任總導演及編審、彭幼芳監製,將於本周日(12月5日)晚八點半翡翠台首播。

在劇中一眾飾演家長的演員中,最為特別是楊證樺+沈可欣、錢嘉樂+湯盈盈均是真夫婦,翻查資料,盈盈樂樂更是首度在螢光幕前演夫妻。問到導演李敏二人為何願意獻出第一次時,她笑言:「其實我同嘉樂之前係街坊,依家都住得近,加上志同道合,所以佢一直好支持我呢個青春歌舞心理劇,佢係最早期聽Concept同Demo嘅人。」

但由於嘉樂以身手了得馳名,李敏一直有感劇中未有角色適合對方而苦無與對方合作機會,直到鎖定找盈盈演出虎媽一角時,才想到可邀請嘉樂拍住上:「其實我之前完全唔知佢哋冇喺幕前一齊演出過,我哋知盈盈本身係好溫柔嘅人,但搵佢做虎媽係因為覺得佢口齒伶俐,可以Handle到個角色,然後就順便叫埋嘉樂,嘉樂亦都好爽快就答應。」

另根據劇組最新發布劇照,除了Felix,祖藍與梓峰的角色原來亦相當搞笑,祖藍更不時「搔首弄姿」晒萌樣!問到繼電影《給我一天》後再與祖藍合作感覺,李敏笑謂:「嗰次同佢合作真係好舒服同愉快,佢真係好勤力嘅演員,會坐埋一邊係咁讀劇本。再加上我睇過佢舞台劇演出,同埋感受到佢對Musical好喜愛,所以我一決定拍歌舞劇就覺得佢做校長會好有效果,而佢亦好爽快答應。」

此外,早前無綫官方頻道See See TVB推出《青春本我之最最最最最!》花絮片,一眾聲夢學員在片段中「互爆」大鑊,Chantel被封NG王,Felix雙「喜」臨門獲封遲到王及嘈吵王!Chantel得悉自己是眾成員心目中的NG王時,竟氣至跺腳,相當可愛!Aeren事後笑指導致Chantel NG的幕後黑手是Rock:「因為Chantel忍唔到笑,佢個角色成日同Rock一齊,但佢一望住阿Rock個樣就好想笑!」另眾人指Gigi在劇中將會有一場讓人一看難忘的大爆Seed場口,不過當時人Gigi對此卻完全「狀況」之外,十分符合她的「無厘頭」本色。

《青春本我》集合一眾《聲夢傳奇》學員及《盛‧舞者》參賽者,錢嘉樂湯盈盈首度在螢幕前演夫妻 。
錢嘉樂和湯盈盈首度在螢幕前演夫妻 。
《青春本我》集合一眾《聲夢傳奇》學員及《盛‧舞者》參賽者。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟