梁祖堯《造星IV》著紅色高跟鞋原來為找數 體會男人不明白的兩種痛

有追看ViuTV《全民造星IV》今個星期第3回合爭奪30強賽事的觀眾,都會觀眾留意到B組導師梁祖堯(阿祖),在節目中露出長腿並穿上紅色高跟鞋,不少人都感到好奇,阿祖更自爆連自己的媽媽也忍不住問他為何要穿高跟鞋上節目。阿祖在IG分享了穿上這對火紅高跟鞋與學員的大合照,並解釋原因是為了「找數」。

阿祖表示:「呢一round 開始分組嘅時候,我覺得大家都要做多啲基本功嘅訓練。馬欣係一個高跟鞋舞老師,我就叫咗佢調教所有女仔着高踭鞋,點樣行點樣跳舞,身體點樣郁。馬欣仲幫大家買咗高踭鞋,每人一對,用作練習,因為原來好多女仔都冇高踭鞋。高踭鞋來到,多咗一對,龍船咁大,係43號,原來班女仔訂多咗一對送俾我,話我都要同佢哋一齊學,梗係好啦!作為演員無論如何多個技能都係好!嗰日大家試鞋嘅時候,班女仔話︰『比賽嗰日你要著啊!』我話,好啊。跟住一路排練排練排練排練排練排練排練排練排練排練,去到比賽當日,基本上佢哋都已經唔記得咗,但係我記得,所以呢條數我一定會找。所以當晚就著住高踭鞋了。」

阿祖坦言男人不明白的兩種痛,分別是分娩及穿高跟鞋,「作為男人,我覺得有兩種痛,未試過係一定唔會明白。一樣係生仔(M痛我都歸納埋呢樣),一樣係着高踭鞋。比賽當日,我同佢哋講,你哋著幾耐我就著幾耐。隻腳痛到仆街,腳踭痛腳趾起晒水泡,腳板底抽筋,小腿抽筋,痛左足足三日。以前演出都有著過,但係只係着10幾分鐘,原來着住一晚係咁痛。係咁x痛。我都只係坐喺度,佢哋仲要着住嚟表演。真心respect 的。着高踭鞋的痛,我體驗了一晚。女孩們,我愛你們。生仔的痛,我冇辦法體驗,媽媽,我愛你。」

梁祖堯IG圖
梁祖堯IG圖
梁祖堯IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟