張敬軒15歲愛犬「妹妹」離世 發長文悼念:對哥基嚟講已經好叻了

張敬軒的15歲愛犬「妹妹」日前離世,出名是性情中人的軒仔,在IG上分享了「妹妹」的相片,發長文悼念,並答謝一路上曾悉心照料及治療「妹妹」的朋友。軒仔表示:「妹妹畢業了,佢見均曬所有屋企人,一切都好平靜。十五歲幾,對於哥基嚟講,已經好叻好叻了。佢由細到大都好勇敢,好殘雞,好拽。可能因為佢咁嘅性格,先至一次又一次咁樣喺鬼門關沖返出嚟。」

軒仔續指:「想特別多謝 @vshhongkong 灣仔嘅Dr. Josh, Dr. Sofie、Dr. Alex、Nick以及各位Caring Team嘅哥哥姐姐一直以來對妹妹嘅照顧同醫治。尤其多謝Dr. Sofie、Nick同幾位護士姐姐嘅幫助同細心照料。多謝CityU VMC 城大動物醫療中心神經專科嘅呂大安醫生嘅悉心治療,令到妹妹冇受到DM呢個症太多嘅折磨。多謝佢嘅專業、耐心同愛心,一路令到我哋同妹妹喺最後嘅時間都可以得到支持。最後想多謝老朋友 Dr. Chong @drpatrickvet @saa_hk 咁長時間以嚟俾妹妹同我哋作為屋企人嘅所有幫助同支持;冇佢嘅話,妹妹最後呢一段路,係唔會即使面對住各個器官嘅衰竭同老化,都可以食得瞓得,精精靈靈,舒舒服服。同時亦都要多謝SAA嘅各位護士哥哥姐姐。 最後最後,要多謝恩人 @pumpkinjojoinstagram , @ahdee @lunashaw 妹妹可以有之後嘅十三年,全懶有你/你哋仲有妹妹特登要等埋見面嘅陳姑娘 @yorokochan ,情深意重! 我亦都代表妹多謝各位喺網上面幫妹妹打氣嘅哥哥姐姐,多謝大家嘅愛!」

張敬軒IG圖
張敬軒IG圖
張敬軒IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟