何韻詩與過去獎座終極斷捨離 強調唔係走佬同移民

何韻詩過去在樂壇頒獎禮上獲得過不少獎項,但她在IG上post今一堆獎座的照片,表示要和這些充滿紀念價值的獎座來個「斷捨離」。

阿詩留言表示:「繼續終極斷捨離之全部唔要。當年努力追求別人肯定,爭餐懵(雖然以「爭」來講已經唔算好積極),到今日見到佢哋鋪晒塵,啲牌呀膠呀又自我瓦解,諗返都覺得當年嘅自己好諧趣。又其實大部份早已偷偷棄掉,剩餘嘅都係曾經覺得嘅某種里程碑。雖然物件意義早已不在,但公道講句,攞過上手嘅,都曾為當年年少嘅自己添加一點點自信,一點點validation(認可),都係成長和蛻變中必須嘅。感謝你哋為我帶來嘅一切。」

何韻詩續指:「今日慶幸一切經歷(同埋呢次decluttering),令我更清楚自己需要什麼,不需要什麼。過去不必要嘅重量,大可衷心說聲感謝,然後放手,讓它們成為真正的過去。輕裝上路,爽爽朗朗地前行,先有力氣同彈性創造新嘅自己。謝謝你們,goobye~!」

最後阿詩表示已丟棄屋內2/3物件並會搞義賣,但強調:「唔使亂估,我唔係走路(佬),唔係移民,唔係變賣家當,多謝關心。」

何韻詩IG圖
何韻詩IG圖
何韻詩IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟