吳彥祖努力練廣東話 望疫情穩定後回港拍戲

吳彥祖近年因為新冠肺炎疫情關係,與太太Lisa、女兒Raven搬回美國生活,未能返回香港工作,但與此同時,卻令吳彥祖重拾對賽車的興趣,甚至成為了職業賽車手。他說:「其實一直好鍾意賽車,好羨慕郭富城、爾冬陞、方中信、錢嘉樂,但以前住香港,冇機會接觸,又唔熟悉呢個範疇,直至搬返美國,可以揸自己車去真正嘅賽車場玩,之後就諗,仲有咩進步空間呢?最後決定去比賽。」

吳彥祖近年因疫情未返回港工作。

由藝人變成賽車手,吳彥祖一切由零開始,好友馮德倫得知他的經歷,於是提議幫手拍片紀錄他的轉變及比賽過程,並找來擔任《林書豪 Linsanity》紀錄片導演Evan Jackson Leong幫手,製作成《吳彥祖的速度之旅》(Journey to Speed)紀錄片,他說:「今年參加咗六場團體賽,暫時我哋總成績排第二位,希望可以一直保持,同埋以我咁新嘅車手,可以攞到呢個成績算好好。另外年底會跟隊友參加挑戰一個叫做『Thunderhill Raceway』嘅賽事,需要連續25小時不停去比賽。希望大家睇完呢套紀錄片,可以見到另一面嘅我。」

賽車有一定危險,太太Lisa可有反對聲音?他說:「其實賽車係快,但唔算危險,起碼我車有防滾架、有頭盔、有頸箍保護,相比Lisa騎馬,得個頭盔、跳馬完全冇保護,所以Lisa無特別意見。」《吳彥祖速度之旅》每星期將在Highlighter Channel 的Facebook 及 Instagram 播出。

吳彥祖表示太太Lisa對他賽車無特別意見。

問吳彥祖何時才會回港拍戲?廣東話有冇退步?他說:「如果有戲拍我會返嚟㗎!但我驚自己接受唔到一個人喺酒店留二十一日,所以可能等多一年,唔使隔我就會返嚟。其實而家比賽有另一隊對手,佢哋係香港人,雖然我哋係敵對,但我一見到佢哋就好開心,因為可以同佢哋講吓廣東話,而家平時就真係冇乜機會講,所以唔多唔少冇喺香港嘅時候講得咁好。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟