Nowhere Boys炮製新版《虎道門》 搵埋AK同Lokman又煮又唱

Nowhere Boys主音Van(陳維諾)以及MIRROR副隊長AK江𤒹生,出晒名唱得又煮得,經常在自己的YouTube Channel分享煮食心得,日前二人更聯同MIRROR隊長Lokman楊樂文,一齊著住圍裙走入廚房,炮製萬聖節大餐。

三位大男生,原本大纜扯唔埋,Van解釋,因為Nowhere Boys五子好喜歡由AK、Lokman合唱的《虎道門》,於是提出將首歌重新改編,既保留原有的暴走族元素,同時加入了Nowhere Boys的音樂風格,製作成acoustic版《虎道門》,令Nowhere Boys有機會同AK、Lokman一齊唱、一齊玩。

Van透露錄音時,出現了兩件讓他驚訝的事情:「首先係AK,一嘢就上到去高音,我真係唔得,要熱身先上到,而Lokman負責Rap,雖然要試好多個take,但佢每一個take都對到好齊,相信同佢跳舞、有強勁拍子感好有關係,我真心佩服兩位。」

音樂上一拍即合,當日三人分工合作炮製南瓜豬面肉批時,同樣充滿默契,還分享了最難忘的萬聖節經歷,當中以Van最搞笑,細個居然扮《古惑仔》的陳浩南去玩trick or treat,另外AK亦分享讀中一時,如何用朱古力橡皮糖的圓形紙筒,再DIY變成Star War的光劍,令整個廚房充滿歡笑聲。當日Van更為10月16日生日的AK製造驚喜,準備了近期熱爆社交網絡、由2,304層酥皮製成的千層拿破崙蛋糕,同壽星仔慶生。

今次萬聖節特輯,可以睇到Van、AK同Lokman一齊入廚大顯身手,究竟幾時先有機會睇到三子一齊玩音樂呢?AK說:「我都希望有機會可以喺一個LIVE audience嘅情況下表演《虎道門》acoustic版俾大家睇啦!」身旁的Van則說:「咁會係咩情況呢?賣吓關子!」而Lokman就話:「等吓囉!但一定好快!」

食完萬聖節大餐,Van開始要忍口keep fit,因為Nowhere Boys即將在11月5至7日、假九龍灣國際展貿中心Music Zone舉行《我在音樂會》,三場門票早已爆滿,Van與其他成員當然要以最佳狀態,回饋歌迷。

Van搵埋AK同Lokman又煮又唱。
Van搵埋AK同Lokman又煮又唱。
Van搵埋AK同Lokman又煮又唱。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟