林二汶聖誕音樂會不設舞台 門票開賣望收最好生日禮物

今年初林二汶在紅館舉行個人演唱會,反應熱烈,一票難求。相隔未夠一年,她意猶未盡,決定聖誕節在麥花臣再開騷,12月24日至26日舉行《FWD富衛保險呈獻林二汶Sing Dance音樂會》,由平安夜玩到Boxing Day。特別一提,12月24日平安夜於晚上9時45分開場,聖誕節和翌日兩場就如常晚上8時開騷。票價HK$680和HK$480,11月8日東亞銀行信用卡優先訂票。今次主題是嘉年華,全場不設舞台,並邀請一班從未參與她任何演唱會的特別嘉賓,與觀眾互動大玩集體遊戲,更設有Dress Code,普天同慶聖誕節。宣布開騷的同時,二汶的新歌《自白的勇氣》亦於明天(星期五)派台,雙喜臨門!


 
最近掀起一片集體遊戲熱潮,林二汶聖誕節開騷,亦邀請觀眾一齊大玩集體遊戲,為提升親密度,現場不設舞台,實行以嘉年華形式,邊玩邊唱,體驗不一樣的演唱會。日前她為音樂會拍攝宣傳海報,穿著白色有趣服飾拍照,被銀色紙條吹到面容扭曲,非常鬼馬。二汶說:「睇到我影嘅相就知今次音樂會好繽紛同埋充滿節日氣氛,既然大家今年聖誕出唔到埠旅行,就梗係睇騷啦!上次紅館演唱會係我人生和事業嘅里程碑,好多回憶和我嘅音樂。今次唔只有我嘅音樂,仲有好多其他嘢,我嘅騷通常都會同觀眾好多互動,今次會有更多。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟