陳柏宇籌備個唱 最緊張自己聲帶

陳柏宇(Jason)將於12月舉行兩場《陳柏宇Fight For ___ Live in Hong Kong Coliseum》,今次紅館演唱會以「Fight For 」為主題,最近已密鑼緊鼓籌備個唱的Jason,此時此刻的然是為個唱而奮鬥,不過他最着緊的還是曾經受損的聲帶。

即將舉行個唱的陳柏宇最緊張自己的聲帶。

自出道以來,Jason曾兩度聲帶受損,影響了演唱工作, 他坦言或多或少有陰影,所以現在每日學唱歌都會監察聲帶狀態,好好保護聲帶之餘,其實一直追求進步、想不停挑戰自己的Jason深明能夠唱好歌不是一朝一夕的事,自己不但要唱好每首歌,更想追求變化,他說:「唱歌係無止境,好希望幾年後可以令自己更容易處理要唱嘅歌,因為自己啲歌比較難唱,亦希望聲線上有變化,man啲,可以駕馭每一首歌。我覺得聲線是應該同人成長一樣,隨年紀有不同變化。」練聲以外,Jason透露背歌詞反而是一大難題,他往往是用最多時間去準備,不過Jason承諾會背好歌詞的同時,他都呼籲粉絲今次來看演唱會時記得背熟歌詞,到時就可以跟他一起大合唱。

演唱會離不開的話題,當然還有騷肌環節,Jason上次在紅館開唱赤膊兼大騷麒麟臂,今次粉絲們自然期待可以再有機會見到,不過Jason卻大賣關子,但卻坦言只要不用工作,他都會去做Gym,心態輕鬆:「今次演唱會最追求唔係呢方面,但運動的確對自己體能同心態有益,所以有時間就會做Gym,而節食係想健康,因為為演唱會準備會多咗時間出面食飯,相對食嘅嘢會無咁健康。」

陳柏宇上次在紅館開唱赤膊兼大騷麒麟臂。

Jason在各方面都積極作準備,另一方面他亦落手落腳為演唱會拍攝宣傳片,由構思、演出、導演、剪接全部一腳踢:「一直都好想拍自己喜歡嘅內容,又鍾情拍搞笑嘢,所以用咗今次準備紅館演唱會嘅幾個重要環節,拍咗幾條主題短片。」繼早前推出了拉筋篇及背歌詞篇後,Jason今晚推出「練聲篇」,但片中的Jason未有重提聲帶受損一事,反而變管加厲練到七孔流血!在鏡頭背後Jason用了紅色眼藥水加工,現場的工作人員看到Jason的加工妝容後,笑言都有點嚇人,但仍力保靚仔容貌。

陳柏宇用紅藥水搞到自己七孔流血。

除了網上宣傳外,唱片公司亦在港九各地為個唱進行宣傳造勢,而Jason早前趁空檔也特地去打卡留念,更說:「呢個個唱海報喺聽日嘅優先發售前出街,除咗為咗宣傳外,當中嘅宣傳句語『你為了甚麼而奮鬥?』亦想激勵大家繼續為自己嘅目標而奮鬥,喺鬧市中為大家帶嚟力量!」

陳柏宇12月個唱的宣傳車。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟